نشطاء للسيسي في يوم ميلاده: كان يوم أسود

- ‎فيأخبار

كتب- حسن الإسكندراني:

 

عبّر المئات من رواد مواقع التواصل "فيس بوك" و"تويتر" عن رفضهم حكم العسكر من خلال تعليقاتهم النارية في يوم مولد المنقلب عبد الفتاح السيسي والذي يواكب غدًا الأحد 19 نوفمبر 1954، ننقلها لكم في التقرير التالي:

 

تقاسم النشطاء ردود الأفعال على الحدث؛ حيث قالت Mediha Kamal: إن شاء الله تكون آخر سنة ومنعرفش نلم جتتك من ع الدائري ونلاقيك متغطي بورق جرايد.

 

 

بينما علقت أسماء خلاف.. يوم ميلادك ياريس مطلعتلوش شمس.. كل سنة وانت ان شاء الله فى الدرك الاسفل من النار..أما Mostafa Fawzy فقال :يرزقك بالساحق والماحق والغضب المتلاحق.. تخرج من ضيق وتقع ف ضيق وخمسين ابريق ما يبلولك ريق.. تشيلها من الكسبانه وتحطها ف الخسرانه وتجرى من رزقك بالطياره ورزقك يجرى وراك بالسياره، وتقوم من نقره وتقع ف دوحديرة.

 

إلهام مليسي كتبت تدوينة قالت فيها: أحب أقوله يارب تكون اخر سنه فى عمرك ،وما نشوفش وشك العكر ده تانى ….ربنا ياخدك اخذ عزيز مقتدر ربنا يورينا فيك عجائب قدرته اللهم آمين يارب.

 

عزة البنا عبرت عن رأيها قائلة: "يكفى اننا عطناه ثقتنا وخذلنا ولا حاسس بالشعب ولا بيعمل أي حاجة ايجابية غير شوية طرق وكباري بفلوس الشعب برضه كل شوية مؤتمرات بتتكلف ملايين ويقولك صبح على مصر ..مفيش وزارة ناجحة فى البلد ..كله من سيئ لأسوأ.. وشوية المنافقين اللى بيطلعو يمسحوا الجوخ مبينين له اننا فى تقدم اقتصادى ..مفيش ادارة كويسة فى البلد ..لكن فيه سرقة مقنعة ..حسبنا الله ونعم الوكيل".

 

 

أما السيد بحيري فكتب: الله يخرب بيتك لبيت الى حوليك الى خلو الناس تشحت.. ملحوظة ان شاء الله الناس تقول بثوره ضدك ( ثوره جياع ) ونشوفك هتقابل الثوره ازاى.

 

شمس الأصيل دعت فى تدوينه لها بالدعاء التالي: "اللهم ابتليه بداء ليس له دواء يتمنى الموت فلا يجده .وارنا فيه عجائب قدرتك احشره مع فرعون وهامان وقارون فى الدرك الاسفل من النار".

 

وواصل النشطاء حديثهم فى يوم مولد السيسى؛ حيث قال "مهندس الحقوق": "ان كنت قدرنا فربنا ياخدك ، وان كنا قدرك فربنا ياخدك برضه.أما عصمت فوزى على يوم ميلادك اصلا كان يوم اسود ان شاء غدا إلى حضن القبر ومنه إلى الدرك الأسفل من النار".

 

على بوصفر غرد قائلا: "ياظالم يا مجرم يا واضع الأبرياء في السجون والمعتقلاتن ربنا يخلي مرسي في أعالي الجنان ويخليك في الدرك الأسفل من جهنم مع فرعون و هامان وجنودهما.وتبعته رياض الصالحين.. اللهم لا تبقى له حسنه واجعل حياته كلها ذنوب وارزقه الذل والخزى والعار فى عقر داره".

 

 

وقال Kamal Sedky : "ربنا يديك على قدر نيتك وقدر ما صنعته في مصر من غلاء الأسعار وصعوبة المعيشه.أما محمد زكريا اللهى تموت متلاقى حد يزعل عليك ولا يقول فى حقك كلمه طيبه ومصر كلها يكون يوم هلاكك يوم عيد وفرح فى مصر كلها".

 

وتبعه حسن هزاع: "سود الله وجهك وجعل عليه غبره ترهقها قطرة والي جهنم وبئس المصير.أما دلال ميدو فكتبت:اللهم انتقم منه ومن يعاونه ومن يناصره علي الظلم وارنا فيهم عجاءب قدرتك عاجلا وليس آجلا".

 

Hazem Shokry : معقولة كل اللي بيشتموه دول اخوان.. ولا دول اغلب الشعب اللي اتبهدل وفهم الحقيقة..؟

 

كما تداول نشطاء فيدوجراف، ليواكب اليوم العالمي للمراحيض في يوم مولد المنقلب عبد الفتاح السيسي.