تصاعدت شكاوى المواطنين من ارتفاع أسعار الكهرباء وغلاء المعيشة، عقب قرارات حكومة الانقلاب برفع أسعار الكهرباء بدءا من مطلع شهر مايو المقبل .
كما أعرب المواطنون عن غضبهم من رفع الأسعار المبالغ فيه في فواتير العداد الكودي، دون إعلان رسمي من حكومة الانقلاب .
وطالبوا المصريين بالتحرك والنزول إلى الشوارع، لوقف إجرام عصابة العسكر التي لن تتوقف عن الكوارث التي ترتكبها بحق الشعب إلا بالتظاهر والعودة إلى الميادين، لإنهاء مرحلة الانقلاب الدموي بقيادة عبدالفتاح السيسي .
وسجل رواد موقع التواصل الاجتماعي تعليقاتهم على ارتفاع أسعار الكهرباء، وقال أشرف السيد : "أنا بدفع كل أسبوع 200 جنيه، يعني 800 جنيه كل شهر ".
وتساءل يرضي مين ده ؟ ومنين أجيب فلوس علشان أدفع فواتير الكهرباء ؟
خلايا شمسية
وقال محمد السراج : "في رأيي كل عمارة تشترك مع بعضها وتركب خلايا شمسية".
وأضاف السراج : لكن يجب إلغاء الرسوم التي تفرضها شركة الكهرباء على هذه الخلايا، حتى تنتشر في مصر، وبالتالي تخفض استهلاك الوقود اللي العصابة بتقول إنها بتستورده بالدولار .
خراب بيوت
وقال محمد السيد : "العداد عندي شرائح من عام 2015 الشريحة الأولى كانت بـ 68 قرشا والعمارة مرخصة وأضاف السيد : عداد الشرائح تحول لعداد كودي بشريحة موحدة بـ 270 قرشا، يعني خراب بيوت".
المواطن الغلبان
وأكدت ملك صبري أن شركات المياه والكهرباء والغاز بتسرق المواطن الغلبان.
وطالبت ملك صبري بموقف شعبي مضاد لوقف اللصوص والحرامية عند حدودهم، وإلا أعمال النهب والسرقة لن تتوقف .
وقال باغي الخير "اصبروا وأنتو هتشوفوا العجب العجاب"، هو مش قالكم كده بس أنتو ما كنتوش فاهمين.
ده ظلم والله
واعتبرت تيتة أوفه أن تحصيل العداد الكودي أعلى من الشريحة السابعة وده ظلم والله .
وقالت : "متى تتوقف هذه البلطجة ؟ ولماذا تفعل حكومة الانقلاب ذلك بالمصريين ؟".
وتساءل مسلم فين الغضب والشكاوى، ده الشعب مات أصلا أيوه مات وتحلل كمان؟.
بلطجة العسكر
وقال أبو بكر أصل الحكومة لقت: إنها "بترفع الأسعار وما بيحصلش حاجة، فبقت ترفع من دماغها وإن كان عاجبكم، بلطجة العسكر بقت عيني عينك".
وتابع محمد النجار قائلا : "لما يبقى عداد مسبق الدفع وأجي أشحن ألاقي 600 جنيه بالسالب على العداد والمسمى رسوم يبقى فيه حاجة غلط، ولما أجي أشحن بعدها والـ 500 جنيه يدخلوا 420 يبقى فيه حاجة غلط، ولما الاستخدام يوصل لـ 700 جنيه شهريا، وإحنا في الشتاء وماشيين نحسس في الشقة، يبقى فيه حاجة علط".
وأضاف : طيب لما نشوف الصيف بمراوحه وتكييفاته، هنعرف ندفع ولا نعمل قرض للكهرباء؟.
ربنا يرحمنا منهم
وقال عمر أنس : "إحنا مش ملاحقين على شحن الكارت ربنا يرحمنا منهم ".
وأعرب أنس عن اندهاشه من أن الكارت بيتسحب منه الرصيد بسرعة غريبة، حتى في بعض الأحيان دون أن نستخدم الكهرباء .
وقال سعد ربيع: "لو أعرف أسرق كهرباء سأفعل وضميري في غاية الراحة، لا ده كلام فاضي محدش حاسس بينا".
جهاز رقابة
وقال أحمد مصطفى : "أنا بدور على طريقة لسرقة الكهرباء وده الحل الوحيد" .
وأضاف : حكومة الانقلاب بتسرقنا، وبالتالي مفيش حل غير أن إحنا كمان نسرقها علشان نعرف نعيش .
وقال محمد عبدالوهاب : "يعملوا حملات لكشف السرقات في حين أن المواطن يحتاج لجهاز رقابة حقوقي، لكشف سرقة شركة الكهرباء للمواطن ".
وتساءل مين اللي يقوم بدور الكشف عن سرقات شركات الكهرباء، ويثبت أن هم حرامية ؟ مؤكدا أن ده دور كل المصريين وإن ما قاموش بيه يبقى البلد هتخرب، والناس هتطفش، ومش هتعرف تعيش مع العصابة التي بتحكمها .
